ຄູພູມສາດ
ຫຼັກສູດປະລິນຍາຕີ ສຶກສາສາດ ສາຂາວິຊາ ຄູພູມສາດ ()
ພູມສາດນັບວ່າເປັນວິຊາທີ່ເກົ່າແກ່ທີ່ສຸດສາດໜຶ່ງຂອງໂລກ ມັນກຳເນີດຂຶ້ນຕັ້ງແຕ່ສະໄໝເກຼັກບູຮານ ເປັນການສຶກສາຄວາມສຳພັນລະຫວ່າງມະນຸດກັບສິ່ງແວດລ້ອມ ໂດຍອາໄສເຄື່ອງມືຕ່າງໆ (ເຕັກໂນໂລຊີທາງພູມີສາດ) ທີ່ກ່ຽວຂ້ອງມາຊ່ວຍການສຶກສາ.
ສາຂາຄູພູມສາດຮຽນຮູ້ກ່ຽວກັບການສຶກສາປະກົດການທີ່ເກີດຂຶ້ນໃນພື້ນທີ່ທັງດ້ານກາຍະພາບ ແລະ ຊີວະພາບ ເຊັ່ນ ທໍລະນີວິທະຍາ, ອຸກກະສາດ, ນິເວດວິທະຍາ, ອຸຕຸນິຍົມວິທະຍາ. ສຶກສາປັດໄຈທາງພູມສາດເຊື່ອມໂຍງກັບຫຼັກການຂອງສາຍວິຊາການຂະແໜງອື່ນໆ ເຊັ່ນ ພູມສາດເສດຖະກິດ, ພູມສາດການເມືອງ, ພູມສາດການຂົນສົ່ງ, ພູມນິເວດ, ພູມສາດການທ່ອງທ່ຽວ, ພູມສາດປະຊາກອນເປັນຕົ້ນ.
ຊື່ໃບປະກາດ:- ຊື່ເຕັມເປັນພາສາລາວ : ປະລິນຍາຕີ ສຶກສາສາດ ສາຂາວິຊາ ຄູພູມສາດ
- ຊື່ເຕັມເປັນພາສາອັງກິດ : -
- ຊື່ຫຍໍ້ເປັນພາສາລາວ: -
- ຊື່ຫຍໍ້ເປັນພາສາອັງກິດ: -
- ສຶກສາກ່ຽວກັບເຕັກໂນໂລຊີໃນພື້ນທີ່ທາງພູມິສາດ ເຊັ່ນ ສະຖິຕິທາງພູມສາດ, ລະບົບສາລະສົນເທດພູມມິສາດ (GIS), ການສຳຫຼວດຈາກໄລຍະໄກ (Remote Sensing), ການຂຽນແລະແຕ້ມແຜນທີ່, ການສຳຫຼວດໃນຮູບແບບຕ່າງໆ ເປັນຕົ້ນ.
- ອາຊີບດ້ານວິຊາການ ແລະ ການສຶກສາຄົ້ນຄວ້າ ເຊັ່ນ : ຄູສອນ, ນັກວິຊາການ, ນັກຄົ້ນຄວ້າວິທະຍາສາດສັງຄົມ, ຜູ້ປະກອບການ ແລະ ເຮັດວຽກຂະແໜງການທີ່ກ່ຽວຂ້ອງ
- ອາຊີບພະນັກງານລັດໃນສະຖາບັນການສຶກສາ, ເຮັດວຽກບໍລິຫານຢູ່ບັນດາກະຊວງ, ອົງການຈັດຕັ້ງ ແລະ ສະຖາບັນຕ່າງໆທີ່ກ່ຽວຂ້ອງ
- ອາຊີບໃນຂະແໜງການເອກະຊົນ ເຊັ່ນ : ວິຊາການບໍລິສັດຂຸດຄົ້ນບໍ່ແຮ່, ວິຊາການກ່ຽວກັບລະບົບຈີພີເອັດລະດັບພື້ນຖານ, ນັກວິຊາການແຜນທີ່ພາບຖ່າຍ, ນັກວາງແຜນຈັດການພື້ນທີ່, ບຸກຄະລາກອນທາງການສຶກສາດ້ານພູມສາດ
- ສຶກສາຕໍ່ໃນສາຂາທີ່ກ່ຽວຂ້ອງໃນລະດັບທີ່ສູງຂຶ້ນທັງໃນ ແລະ ຕ່າງປະເທດ
ໄລຍະເວລາການສຶກສາ: 4 ປີ ຈໍານວນໜ່ວຍກິດທັງໝົດ: 143 ໜ່ວຍກິດ