ສາຂາການຈັດສັນແຫຼ່ງນໍ້າ ແມ່ນສາຂາທີ່ດໍາເນີນການຮຽນ-ການສອນກ່ຽວກັບ ການວາງແຜນຄຸ້ມຄອງປ່າໄມ້ ແລະ ຊັບພະຍາກອນປ່າໄມ້ແບບຍືນຍົງ, ການຄຸ້ມຄອງ ແລະ ຈັດການປ່າຕົ້ນນໍ້າ, ການຈັດການພື້ນທີ່ອ່າງເກັບນໍ້າ ຫຼື ພື້ນທີ່ອ່າງໂຕ່ງ, ການສໍາຫຼວດຊັບພະຍາກອນປ່າໄມ້, ການອະນຸລັກຊີວະນາໆພັນ (ສັດປ່າ ແລະ ພືດປ່າ) ແລະ ການຟື້ນຟູປ່າ. ວິທີການຈັດຕັ້ງການຮຽນ-ການສອນ ແມ່ນມີທັງພາກທິດສະດີ ແລະ ລົງພາກສະໜາມໃນພື້ນທີ່ຟາມພາກວິຊາ ແລະ ປ່າສະຫງວນຕ່າງໆ

ສາຂາການທ່ອງທ່ຽວແບບອະນຸລັກທໍາມະຊາດ ແມ່ນດໍາເນີນການຮຽນ-ການສອນ ລົງເລິກການວາງແຜນບໍລິຫານຈັດການທ່ອງທ່ຽວແບບອະນຸລັກໃນປ່າສະຫງວນ ແລະ ແຫຼ່ງທ່ອງທ່ຽວທໍາມະຊາດ, ການບໍລິການນັກທ່ອງທ່ຽວ, ການເປັນໄກ້ນໍາທ່ຽວ ແລະ ການພັດທະນາແຫຼ່ງທ່ອງທ່ຽວທໍາມະຊາດ, ການອະນຸລັກຊີວະນາໆພັນ, ການອະນຸລັກສັດນໍ້າ-ສັດປ່າ ແລະ ປ່າໄມ້, ວິທີການຈັດຕັ້ງການຮຽນ-ການສອນ ແມ່ນມີທັງພາກທິດສະດີ ແລະ ລົງພາກສະໜາມໃນພື້ນທີ່ແຫຼ່ງທ່ອງທ່ຽວທໍາມະຊາດ ແລະ ວັດທະນະທໍາບາງແຫ່ງ.