ຮາກຖານພັັກ ມຂ ສະຫຼຸບວຽກພັກຄັ້ງທີ II ແລະເລືອກຕັ້ງຜູ້ແທນສົມບູນເຂົ້າຮ່ວມກອງປະຊຸມໃຫຍ່ອົງຄະນະພັກແຂວງ.
ກອງປະຊຸມໃຫຍ່ສະມາ ຊິກພັກ ຄັ້ງທີ II (ກາງສະໄໝ 2017 ຫາ 2020) ພ້ອມທັງ ທົບທວນຄືນທິດທາງແຜນ ການ 2020-2024 ຂອງຄະ ນະພັກຮາກຖານມະຫາວິທະ ຍາໄລສະຫວັນນະເຂດ ໄດ້ໄຂ ຂຶ້ນຢ່າງເປັນທາງການໃນ ວັນທີ 18 ກັນຍາ 2020 ຢູ່ ທີ່ຫ້ອງປະຊຸມມະຫາວິທະຍາໄລດັ່ງກ່າວພາຍໃຕ້ການເຂົ້າ ຮ່ວມເປັນປະທານຂອງສະ ຫາຍ ວຽງທະວີສອນ ເທບ ພະຈັນ ກຳມະການປະຈຳພັກ ແຂວງສະຫວັນນະເຂດ, ສະ ຫາຍ ປອ ສຸລິຍົງ ໄຊໂກສີ ເລຂາຄະນະພັກຮາກຖານ ຮັກ ສາການອະທິການບໍດີມະຫາ ວິທະຍາໄລສະຫວັນນະເຂດ, ມີສະຫາຍຕາງໜ້າຄະນະຈັດ ຕັ້ງແຂວງ, ກວດກາພັກ-ລັດ ແຂວງ
ຕະຫຼອດຮອດບັນດາ ສະຫາຍສະມາຊິກພັກພາຍໃນ ໜ່ວຍພັກຈຳນວນ 93 ສະ ຫາຍເຂົ້າຮ່ວມ.
ສະຫາຍ ປອ ສຸລິຍົງ ໄຊໂກ ສີ ເລຂາຄະນະພັກຮາກຖານ ມຂ ໄດ້ກ່າວລາຍງານການຈັດ ຕັ້ງປະຕິບັດມະຕິກອງປະຊຸມ ໃຫຍ່ໃນຕະຫລອດໄລຍະຜ່ານ ມາຮາກຖານພັກມະຫາວິທະ ຍາໄລສະຫວັນນະເຂດ ມີ 3 ໜ່ວຍພັກທີ່ຂຶ້ນກັບ, ມີຄະນະ ພັກນຳພາ 5 ສະຫາຍ, ໃນນັ້ນ, ມີເລຂາພັກ ຮາກຖານ 1 ສະ ຫາຍ, ຮອງເລຂາ 1 ສະຫາຍ, ປະທານກວດ 1 ສະຫາຍ, ກຳ ມະການກວດກາ 1 ສະຫາຍ, ມີຮອງປະທານກວດກາຮາກ ຖານພັກ 2 ສະຫາຍ, ຍິງ 1 ສະຫາຍ, ໂດຍລວມແລ້ວໄດ້ຖື ເອົາວຽກການເມືອງ-ແນວຄິດ ເປັນບັນຫາກົກໃນການເຮັດໜ້າ ທີ່ສຶກສາອົບຮົມ, ໂຄສະນາເຜີຍ ແຜ່ມະຕິ, ຄຳສັ່ງ, ແນວທາງ ນະໂຍບາຍຂອງພັກ-ລັດຢ່າງ ຕໍ່ເນື່ອງ, ເຮັດໃຫ້ໃນທົ່ວຮາກ ຖານພັກມີຄວາມສາມັກຄີ, ມີຄວາມເປັນເອກະພາບ, ເຊື່ອ ໝັ້ນ ແລະປະຕິບັດຕາມແນວ ທາງປ່ຽນແປງໃໝ່ຂອງພັກ, ຢຶດໝັ້ນຕໍ່ອຸດົມການສັງຄົມ ນິຍົມ, ມີຄວາມອຸ່ນອ່ຽນທຸ່ນ ທ່ຽງ, ເຮັດຫຼ້ອນໜ້າທີ່ຕາມ ການມອບໝາຍ. ຈາກນັ້ນ, ດ້ານການຈັດຕັ້ງ ກໍ່ໄດ້ມີຄວາມ ເປັນເອກະພາບໃນການນຳພາ, ມີສະຕິຕໍ່ການຈັດຕັ້ງ, ລະບຽບ ວິໄນຂອງພັກ ແລະກົດໝາຍ ຂອງລັດໄດ້ເປັນຢ່າງດີ.
ໂອກາດດັ່ງກ່າວພ້ອມກັນນີ້ບັນດາສະຫາຍສະມາຊິກ ພັກທີ່ເຂົ້າຮ່ວມກອງປະຊຸມ ຄັ້ງນີ້ຍັງໄດ້ໃຊ້ສິດປະຊາທິປະ ໄຕປ່ອນບັດເລືອກຕັ້ງເອົາຜູ້ ແທນສົມບູນ-ສຳຮອງເຂົ້າ ຮ່ວມກອງປະຊຸມໃຫຍ່ອົງຄະ ນະພັກແຂວງສະຫວັນນະເຂດ ຄັ້ງທີ IX ເຊິ່ງມີຜູ້ລົງສະໝັກ 3 ສະຫາຍ ເລືອກເອົາ 1 ສະຫາຍ ເປັນຜູ້ແທນສົມບູນ ແລະ1 ສະ ຫາຍເປັນຜູ້ແທນສຳຮອງອີກ ດ້ວຍ.